Çështje e Çuditshme (Strange Affair) (përkthyer)

Strange Affair (me titullin origjinal francez Une étrange affaire) është një film francez drame, xhiruar në vitin 1981 nga regjisori Pierre Granier-Deferre. Produksioni është përshtatur për ekranin e madh nga romani "Affaires étrangères" i shkrimtarit Jean-Marc Roberts; skenari u shkrua në bashkëpunim nga Granier-Deferre, Christopher Frank dhe Roberts. Filmi i kushtohet kujtimit të shkrimtarit Pascal Jardin, i cili kishte ndërruar jetë një vit më parë.

Produksioni, ku rolet kryesore ndahen nga Michel Piccoli, Gérard Lanvin dhe Nathalie Baye, u shfaq në seksionin kryesor konkurrues të Festivalit të Filmit të Berlinit në vitin 1982 dhe u nderua po atë vit me Çmimin Louis Delluc. Në kastin aktoror ndodhen gjithashtu emra si Dominique Zardi dhe Jacques Boudet.