Salamandra (The Salamander) (përkthyer)

The Salamander është një thriller politik i vitit 1981, filmi i parë që Peter Zinner e drejtoi vetë. Zinner, i njohur më parë si montazhier, e adaptoi filmin nga romani me të njëjtin titull i vitit 1973 i Morris West-it, një prej shkrimtarëve të njohur të thrillerëve të kohës. Skenarin e shkruan Robert Katz dhe Rod Serling. Filmi, bashkëprodhim i Mbretërisë së Bashkuar dhe Italisë, u shfaq për herë të parë në Mbretërinë e Bashkuar në vitin 1981; shfaqja në Shtetet e Bashkuara të Amerikës u bë më 23 maj 1983. Në Gjermani u njoh me titullin Kennwort: Salamander, në Francë me titullin La Salamandre.

Historia zhvillohet në Itali. Shefi i shtabit të ushtrisë italiane është vrarë dhe kolonel Dante Matucci (Franco Nero) i karabinierëve ngarkohet të hetojë vrasjen. Sa më shumë hulumton Matucci, aq më shumë has në shenja se në vend po përgatitet një komplot neofashist; mes atyre që përfshihen në hetim humbjet e jetëve shtohen. Në ndihmë i vjen një industrialist me ndikim dhe një burrë i njohur me pseudonimin "Salamander", hero i Luftës së Dytë Botërore (Anthony Quinn). Përveç Nero-s dhe Quinn-it, në kast janë Martin Balsam, Christopher Lee, Claudia Cardinale dhe Eli Wallach; Cleavon Little, Paul L. Smith, John Steiner dhe Anita Strindberg janë gjithashtu mes aktorëve të filmit.

Filmi zgjat rreth 103 minuta dhe është xhiruar në anglisht.