Böyük Oyun (Büyük Oyun) (tərcümə)

Beynəlxalq adı A Step into the Darkness olan Büyük Oyun, Atıl İnaç'ın rejissorluğu ilə çəkilmiş, 2009-cu il istehsalı türk dram filmidir. Ssenarisini Avni Özgürel ilə birlikdə Atıl İnaç yazıb; film İnaç'ın ikinci uzunmetrajlı filmidir. Çəkilişlər İraqda Ərbil və Musulda, Türkiyədə isə Adıyaman, Urfa və İstanbulda real məkanlarda həyata keçirilib.

Film, kəndinə edilən hərbi basqında bütün ailəsini itirən iraqlı-türkmən gənc qız Cennet'in, müalicə üçün Türkiyəyə göndərilən qardaşını tapmaq məqsədilə çıxdığı çətin səyahətdən bəhs edir. Baş rolda Suzan Genç çəkilib. Dünya premyerasını 2009-cu ildə Monreal Dünya Film Festivalında edən film, 17 sentyabr 2010-cu ildə Türkiyədə geniş nümayişə çıxıb; Ankara, Adana və Tiburondakı festivallarda aktyorluq və operator işi kateqoriyalarında mükafatlar qazanıb.