Cismani İblis (Le Diable au corps) (tərcümə)

Le Diable au corps (Devil in the Flesh), Claude Autant-Laranın çəkdiyi 1947-ci il istehsalı olan Fransa romantik dramıdır. Film Raymond Radiguetnin 1923-cü il tarixli eyniadlı romanından uyğunlaşdırılmışdır. Ssenarisini Autant-Lara, Jean Aurenche və Pierre Bost birlikdə yazmışdır. Qara-ağ çəkilən və müddəti təxminən 110 dəqiqə olan film fransız dilindədir.

Romanı kimi, cəsarətli mövzusuna görə nümayiş olunanda qalmaqala səbəb oldu; buna baxmayaraq beynəlxalq səviyyədə də çoxlu müsbət rəy aldı və National Board of Review təşkilatının ilin ən yaxşı on filmi sırasında göstərildi. Almaniyada Stürmische Jugend ya da Teufel im Leib, Yunanıstanda Φλογισμένα Νιάτα adları ilə nümayiş olundu. Baş rollarda Marthe Grangier obrazını canlandıran Micheline Presle ilə Gérard Philipe var. Heyətdə Edouard Jaubert rolunda Jean Debucourt, Denise Grey, bir zabiti oynayan Jacques Tati, Richard Francoeur, Palau və Jean Varas da yer alır. Albert Rémy, Edmond Beauchamp və Jeanne Pérez isə kiçik rollardadır.

Çəkilişlər Boulogne və Neuilly studiyalarında, həmçinin şəhərin müxtəlif açıq məkanlarında aparıldı. Dekorları quruluşçu rəssam Max Douy layihələndirdi.