Elif

Elif, Green Yapım imzalı, ilk seriyası 15 sentyabr 2014-cü ildə Kanal 7-də yayımlanan gündəlik dram serialıdır. Kanalın ilk gündəlik serialı olmaq xüsusiyyətini daşıyan serial beş mövsüm ərzində 940 seriya ilə Kanal 7-nin seriya və mövsüm sayı baxımından ən uzunömürlü layihəsi oldu və 10 iyun 2019-cu ildə final etdi. Rejissorluğunu Fulya Yavuzoğlu və Oğuz Ayaz öhdəsinə götürdü.

Hekayə ailəsi tərəfindən qəbul edilməyən bir sevgidən sonra dünyaya gələn kiçik Elifin anası Melek tərəfindən qorunması üçün varlı Emiroğlu ailəsinin malikanəsində bir qulluqçuya əmanət edilməsi ilə başlayır. Elifin öz atasının həmin malikanədə yaşaması, ailədaxili sirlər və intriqalar süjeti mövsümlər boyu dərinləşdirir. Baş rollarda Isabella Damla Güvenilir, Selin Sezgin, Cemre Melis Çınar və Emre Kıvılcım yer aldı. Kann Festivalına qatılan ilk gündəlik serial kimi anılan Elif iyirmidən çox ölkədə yayımlanaraq Türk serial ixracının uğurlu nümunələrindən biri oldu.