Fransız Bağlantısı II (French Connection II) (tərcümə)

John Frankenheimerin çəkdiyi və 1975-ci ildə ekrana çıxan bu Amerika detektiv trilleri, 1971-ci il tarixli Oskar mükafatlı The French Connectionun davamıdır. Gene Hackman, Nyu-Yorklu detektiv Jimmy "Popeye" Doyle roluna qayıdır: ilk layihənin finalında qaçmağı bacaran narkotik baronu Alain Charnieri (Fernando Rey) yaxalamaq üçün Marselə gedir. İki film arasında rolunu təkrarlayan yeganə aktyorlar Hackman və Reydir.

İlkindən fərqli olaraq real hadisələrə əsaslanmayan bu bölümün ssenarisi tamamilə bədiidir və hekayəni daha çox Doylun ətrafında qurur. Alışmadığı bir şəhərdə, yerli Fransa polisinin nəzarəti altında, dilini belə danışa bilmədiyi bir mühitdə tək qalan detektiv, Charnierin izini sürməyə çalışır. Filmin çəkilişlərinin böyük hissəsi Marseldə həyata keçirilmişdir. Ekrana çıxdığı zaman tənqidçilərdən çoxluqla müsbət qiymət alan layihə, kassada da uğur qazanmışdır.