Gündüz Gözəlliyi (Belle de jour) (tərcümə)

Gündüz Güzeli (Belle de Jour), Luis Buñuelin idarə etdiyi 1967-ci il tarixli fransız-italyan birgə istehsalı sürrealist, erotik psixoloji dramdır. Joseph Kesselin 1928-ci il tarixli romanından Buñuel ilə Jean-Claude Carrièrenin birlikdə uyğunlaşdırdığı film Buñuelin ən uğurlu və ən tanınmış işlərindən biri sayılır. Həmin il Venesiya Film Festivalında həm Qızıl Aslanı, həm də Pasinetti Ən Yaxşı Film Mükafatını qazanmış, Catherine Deneuvea BAFTA Ən Yaxşı Qadın Aktrisa namizədliyi gətirmişdir. Deneuve üçün bu, The Umbrellas of Cherbourg filmindən sonrakı ikinci böyük uğur olmuşdur.

Deneuve var-dövlətli və yaraşıqlı həkim Pierrenin (Jean Sorel) həyat yoldaşı, gənc və burjua qadın Séverine Serizyni oynayır. Kənardan problemsiz görünən evliliyinə baxmayaraq Séverine fantaziyalarından qurtula bilmir. Həftənin müəyyən günorta sonralarını Madame Anaïsin (Geneviève Page) idarə etdiyi lüks bir fahişəxanada 'Belle de jour' təxəllüsü ilə keçirməyə başlayır. Gerçək ilə xəyal arasındakı xətt getdikcə silinir. Heyətdə Michel Piccoli, Francisco Rabal, Pierre Clémenti, Francis Blanche və Georges Marchal da yer alır. Film adını bir fahişəni təsvir edən 'belle de nuit' ifadəsindən və yalnız gündüz çiçək açan bir bitkidən alır.

Buñuelin ilk rəngli filmi olan layihənin kostyumlarının çoxunu Yves Saint Laurent hazırlamışdır. Martin Scorsese filmin ABŞ-da məhdud nümayişlə yenidən ekranlara çıxmasını və 2002-ci il tarixli DVD nəşrini dəstəkləmişdir.