Papatyam

Papatyam, Mint Prodüksiyon imzalı, Star TV'də 2009-cu il yanvarın 6-da ekrana gəlməyə başlayan ailə və komediya janrında türk televiziya serialıdır. Dörd mövsüm davam edən layihə 2011-ci il dekabrın 28-də yayımlanan 121-ci seriyası ilə tamaşaçı ilə vidalaşmışdır.

Hekayə artıq eşqə dair heç bir gözləntisi qalmayan iki orta yaşlı insanın bir televiziya evlənmə proqramında tanış olması ilə başlayır. Daha əvvəl üç dəfə evlənmiş və qəlb münasibətlərində bir türlü üzü gülməyən kişi ilə xəyanətin acısını yaşamış qadın eyni evdə yeni bir həyat qurmaq qərarına gəlir. Ancaq hər iki tərəfin uşaqlarının bu birliyə qarşı çıxması və qələbəlik ev əhlinin gündəlik təlaşı cütlüyün yolunu asanlaşdırmır. Serial bu münaqişələri həm güldürən, həm də zaman-zaman duyğulandıran bir üslubla ələ alır.

Baş rolları Metin Akpınar və Nilgün Kasapbaşoğlu bölüşərkən heyətdə Zuhal Topal, Atılgan Gümüş, Miray Daner və Onur Buldu kimi aktyorlar da yer alır.