Şeytan Təfərrüatda Gizlənir (Şeytan Ayrıntıda Gizlidir) (tərcümə)

Şeytan Ayrıntıda Gizlidir, Ahmet Ümitin 2002-ci ildə nəşr olunan eyniadlı hekayə kitabından uyğunlaşdırılan, 2004-cü ildə TRT 1-də yayımlanan tək mövsümlük bir detektiv serialıdır. Cevdet Mercanın rejissorluq etdiyi iş 13-cü seriyasının ardından ekranlarla vidalaşmışdır.

Serial, müəllifin daha əvvəl Karanlıkta Koşanlarda tamaşaçıya təqdim etdiyi Başkomiser Nevzat ilə Ali obrazlarını ikinci dəfə televiziyaya daşıyır. İlk serialda Uğur Yücel və Haluk Bilginerin can verdiyi bu ikiliyi bu işdə Çetin Tekindor ilə Nejat İşler canlandırır. İki təcrübəli polisin iz sürdüyü hekayələr Ahmet Ümitin qələmindən televiziya ekranına köçürülür.

Baş rolları bölüşən Tekindor və İşlerə İrem Altuğ, Meral Çetinkaya, Fırat Tanış, Turgay Tanülkü, Beyti Engin və Levend Yılmaz kimi adlar müşayiət etmişdir. Serial 2005-ci ildə keçirilən 1-ci Beyaz İnci Televiziya Mükafatlarında detektiv janrındakı bütün mükafatlara namizəd göstərilən yeganə iş olmuş, Nejat İşler isə bu mərasimdə Ən Yaxşı Aktyor mükafatına layiq görülmüşdür.