Qalan Zaman (The Time That Remains) (tərcümə)

Fələstinli rejissor Elia Suleiman, öz həyatından da qidalanaraq yazdığı və çəkdiyi The Time That Remains (tam adı ilə The Time That Remains: Chronicle of a Present Absentee) filmində İsrail işğalı altındakı Fələstin həyatını təsvir edir; 2009-cu il istehsalı olan film yarıavtobioqrafik dramdır. Suleimanın filmi Fransa, İsrail və İtaliyanın birgə istehsalıdır; mənbələrə görə istehsala Belçika və Birləşmiş Krallıq da töhfə vermişdir.

Hekayə 1948-ə, yəni Fələstin Nəkbəsinə və İsrail dövlətinin qurulmasına uzanır. Suleiman o il doğma şəhəri Nazaretdə baş verən tarixi sarsıntını öz ailəsinin və öz həyatının hekayəsi üzərindən qurur. Əsasını atasının müharibə günlərini və ardınca gələn hadisələri qeyd etdiyi gündəliklər təşkil edir. Heyətdə Ali Suliman, Elia Suleiman, Saleh Bakri və Samar Qudha Tanus ilə yanaşı Tarik Kopty, Amer Hlehel, Doraid Liddawi, Ziad Bakri, Menashe Noy, Nathan Ravitz və Maisa Abd Elhadi yer alır.

Film 2009-cu ilin mayında Kann Film Festivalının rəsmi müsabiqəsində göstərilmiş, həmin il Toronto Beynəlxalq Film Festivalında da tamaşaçı ilə görüşmüşdür. 2009-cu ilin noyabrında Asiya-Sakit Okean Ekran Mükafatlarında About Elly ilə birgə Münsiflər Heyətinin Böyük Mükafatını almışdır. Mar del Plata Beynəlxalq Film Festivalında isə Argentina Kino Tənqidçiləri Assosiasiyasının Tənqidçilər Mükafatına layiq görülmüşdür.