Verdi (Giuseppe Verdi)

Raffaello Matarazzo rəngli İtalyan filmi Verdi filmini (orijinal adı ilə Giuseppe Verdi) 1953-cü ildə çəkdi. Film İtalyan operasının nəhəng bəstəkarı Giuseppe Verdinin (1813-1901) yetkinlik illərini mövzu alan romantikləşdirilmiş bir həyat hekayəsi təqdim edir. Film Amerika Birləşmiş Ştatlarında kinoteatrlarda The Life and Music of Giuseppe Verdi, video versiyasında isə Verdi, the King of Melody adı ilə nümayiş olunmuşdur. Təqdimatı tamaşaçını kövrəltməyi və ağlatmağı hədəfləyən, göz yaşardan melodram xəttindədir.

Bəstəkarı Fransız aktyor Pierre Cressoy canlandırır. Anna Maria Ferrero, Gaby André və Laura Gore filmin başlıca qadın rollarında görünür; Camillo Pilotto, Emilio Cigoli, Loris Gizzi, Irene Genna, Mario Ferrari və Enrico Glori də aktyor heyətində yer alır. Hekayədə Verdinin şəxsi həyatı ilə musiqi karyerasının dönüş nöqtələri iç-içə irəliləyir. Dövrün tanınmış adlarından Alexandre Dumas (oğul) və Victor Hugo da obraz kimi ekrana gəlir; Hugonu Guido Celano oynayır.

Ssenarini Leonardo Benvenuti, Mario Monicelli və Piero Pierotti birlikdə yazmışdır. 121 dəqiqə davam edən film nümayiş olunduğu dövrdə İtaliyada böyük maraq görmüş və kassada 957 milyon lirəni aşan gəlir əldə etmişdir.