Dashuri e hidhur (Acı Aşk) (përkthyer)
Acı Aşk, që rrëfen një mësues letërsie të ndarë mes të fejuarës, gruas dhe studentes së tij, është një dramë turke me skenar nga Onur Ünlü dhe regji nga A. Taner Elhan; filmi doli në kinema në të gjithë Turqinë më 18 dhjetor 2009. Elhan është edhe një nga bashkëprodhuesit e filmit. Prodhimi u shfaq në seksionin e konkurrimit në Festivalin e 29-të Ndërkombëtar të Filmit të Stambollit dhe arriti rreth 140 mijë shikues. Në Beyazperde Funda Sularöz e cilëson tekstin që doli nga penda e Onur Ünlüt si një shembull i humorit të zi plot situata absurde.
Historia fillon kur Orhani, që jep mësim letërsie në një universitet në Eskişehir, e braktis papritur të fejuarën, Ayşe, dhe vendoset në Stamboll. Në këtë qytet njihet me fotografen Oya dhe martohet me të. Teksa jeton ndoshta ditët më të lumtura të jetës, ngjarjet e këqija që ndodhin në ditët e para të martesës e lënë në mes të një katërkëndëshi të rrezikshëm dashurie. Edhe Seda, studentja që sapo ka njohur, e tërheq Orhanin në një rrugë ku del vështirë. Në rolet kryesore janë Halit Ergenç, Cansu Dere, Songül Öden dhe Ezgi Asaroğlu.
Filmi bazohet te pyetja nëse një burrë që bie në dashuri me më shumë se një grua do të arrijë t'i mashtrojë të gjitha. Se çfarë do të bëjë Orhani i hutuar nuk dihet kurrë, por tashmë është e domosdoshme që ai të marrë një vendim.
| Regjisor | Taner Elhan |
|---|
Reagimet
Mund të zgjidhni deri në 3 reagime.











Komente