Fack ju Göhte 3

Fack ju Göhte 3 (i njohur edhe si Final Fack) është një film komedi gjerman i vitit 2017, i shkruar dhe i regjisuar nga Bora Dağtekin. Duke ardhur pas Fack ju Göhte të vitit 2013 dhe Fack ju Göhte 2 të vitit 2015, filmi është hallka e tretë dhe e fundit e serisë. I prodhuar nga Constantin Film, në film rolet kryesore i ndajnë Elyas M'Barek dhe Jella Haase, ndërsa aktorë të rinj si Max von der Groeben dhe Gizem Emre shfaqen në role dytësore. Në kast bëjnë pjesë gjithashtu emra si Katja Riemann, Corinna Harfouch, Sandra Hüller dhe Lucas Reiber.

Premiera botërore e filmit u bë më 22 tetor 2017 në Mynih dhe katër ditë më vonë u vendos në ekran në të gjithë Gjermaninë. Filmi fitoi Çmimin Gjerman të Filmit që i jepet filmit me numrin më të lartë të shikuesve në Gjermani.