Fack ju Göhte 2

Fack ju Göhte 2 është një komedi gjermane e vitit 2015 dhe vazhdimi i suksesit të papritur Fack ju Göhte i vitit 2013, i shkruar dhe i drejtuar nga Bora Dağtekin. Në rolet kryesore luajnë përsëri Elyas M'Barek, Karoline Herfurth dhe Jella Haase, ndërsa Max von der Groeben dhe Volker Bruch shfaqen në role dytësore. Këtë herë, ish-mësuesi kriminal Zeki Müller udhëton në Tajlandë me nxënësit e tij; qëllimi është të vendosin një partneritet me një shkollë lokale për të ngritur reputacionin e shkollës së tyre. Megjithatë, pasioni i Zeki për të gjetur një thesar të varrosur e shkatërron planin e këtij udhtimi edukativ. Filmi i prodhuar nga Constantin Film pati premierën më 7 shtator 2015 në München dhe u shfaq në të gjithë Gjermaninë tre ditë më vonë. Me më shumë se shtatë milionë spektatorë, ai u bë filmi gjerman më i shikuar i vitit 2015 dhe arriti vendin e dytë ndër filmat më të shikuar të vitit në Gjermani. Në Shtetet e Bashkuara të Amerikës u shfaq me titullin Suck Me Shakespeer 2.