Partenope (Parthenope) (përkthyer)

Parthenope është një bashkëprodhim italo-francez i vitit 2024, shkruar, prodhuar dhe drejtuar nga Paolo Sorrentino. Filmi, i zhanrit të rritjes dhe pjekurisë, bën referenca te mitologjia greke. Prodhimi, i njohur në Turqi me emrin Su Perisi Parthenope, konkurroi për Palmën e Artë në konkursin kryesor të edicionit të 77-të të Festivalit të Filmit në Kanë dhe u shfaq për herë të parë aty më 21 maj 2024. Në Itali doli në kinema më 24 tetor 2024 nga PiperFilm, ndërsa në Turqi u takua me publikun më 27 dhjetor 2024. Mori reagime të përziera nga kritikët.

Titulli është emri i sirenës që sipas legjendës themeloi Napolin; edhe heroina është një grua që mban emrin e qytetit të saj. Parthenope, e lindur në vitin 1950, kur mbush tetëmbëdhjetë vjeç, hyn me etje për të mësuar dhe për të përjetuar në një botë që ndryshon. Bukuria e saj legjendare është njëkohësisht dhuratë dhe mallkim: të gjithë e duan, por ajo nuk di të dojë. Parthenope, që e ndan veten fajtore për vetëvrasjen e vëllait, kërkon gjatë viteve, mes ndjenjës së fajit, kuptimin e jetës së saj. Parthenope e re luhet nga Celeste Dalla Porta, ndërsa në moshat e mëvonshme nga Stefania Sandrelli. Në kast janë edhe Gary Oldman, Silvio Orlando, Luisa Ranieri, Peppe Lanzetta, Isabella Ferrari dhe Dario Aita.

Sorrentino e sjell pasionin për Napolin në çdo kuadër të filmit; prodhimin e ka marrë përsipër Pathé. Filmi ka dialogë në italisht, në dialekt të Italisë jugore dhe në anglisht.