Rruga Tara (Tara Road) (përkthyer)

Tara Road është një film dramatik irlandez i vitit 2005 në gjuhën angleze, i drejtuar nga Gillies MacKinnon. Filmi, skenarin e të cilit e shkruan Shane Connaughton dhe Cynthia Cidre, është përshtatur nga romani homonim i vitit 1998 i Maeve Binchy-t. Në rolet kryesore luajnë Olivia Williams, Andie MacDowell, Stephen Rea dhe Iain Glen. Prodhimi u shfaq më 11 maj 2005 në Tregun e Filmit të Kanës.

Historia trajton shkëmbimin dymujor të shtëpive mes dy grave që nuk njihen aspak me njëra-tjetrën. Ria, që jeton në Dublin, e sheh jetën përmbys kur mëson se i shoqi është dashuruar me një grua tjetër; ndërsa Marilyn, që jeton në Amerikë, pas vdekjes së djalit nuk arrin ta mbledhë veten, bashkë me martesën e saj. Dy gratë që njihen rastësisht ndërrojnë shtëpitë dhe përpiqen të marrin frymë sërish në mjedise të huaja. Filmi mori vlerësime të përziera nga kritikët dhe pati një rezultat mesatar në arkat e kinemave.