Dreri

Gavaznha (The Deer) është një film dramatik iranian i vitit 1974, që e ka shkruar dhe drejtuar Masoud Kimiai dhe e ka prodhuar Mehdi Missaghieh në studion Misaghieh. Filmi bardhezi, me protagonist aktorin më të famshëm iranian të kohës, Behrouz Vossoughi, rrëfen një histori që mbështetet te ringjallja e një miqësie të vjetër në rrethana të papritura dhe të çuditshme.

Filmi u konsiderua si një nga prodhimet më të dashura të kinemasë persiane përpara revolucionit të vitit 1979; për këtë rol Vossoughi fitoi çmimin e aktorit më të mirë në Festivalin e tretë Ndërkombëtar të Filmit të Teheranit në vitin 1974. Në një anketë të vitit 2002 midis 55 kritikëve iranianë të kinemasë, ai u zgjodh, së bashku me Bashu, the Little Stranger të Bahram Beyzaie, filmi më i mirë në historinë e kinemasë iraniane; të njëjtin titull e mori edhe në anketat e revistës Film të viteve 2009 dhe 2019.