Qeysar (Gheysar)

Gheysar (në persisht قیصر, grafi të tjera Qeysar, Gheisar ose Kaiser) është një film iranian i vitit 1969, të cilin e shkroi dhe e regjisoi Masoud Kimiai. Producent ishte Abbas Shabaviz, xhirimet u bënë në studion Ariyana Film dhe titrat i projektoi Abbas Kiarostami. Aktori i rolit kryesor, Behrouz Vossoughi, u bë falë personazhit të Qeysarit një nga aktorët legjendarë të kinemasë iraniane.

I konsideruar një pikë kthese e kinemasë iraniane, filmi u dha drejtim të ri dramave noir të errëta për hakmarrjen e nderit familjar dhe luajti rol të rëndësishëm në formimin e Valës së Re iraniane. Kimiai krijoi kështu një zhanër të ri që do të quhej «dramë aksioni tragjike». Në vitin 1972 historia u rixhirua në turqisht me titullin Alın Yazısı, me Cüneyt Arkın në rolin kryesor.