Fallxhori i Ujit (The Water Diviner) (përkthyer)

The Water Diviner (në Turqi Son Umut), filmi i parë me regjinë e Russell Crowe-t, është një film dramë dhe lufte i vitit 2014, bashkëprodhim Australi-Turqi-SHBA. Filmi, me skenar të shkruar nga Andrew Anastasios dhe Andrew Knight, është përshtatur nga libri me të njëjtin titull; premierën botërore e bëri më 2 dhjetor 2014 në Sydney dhe doli në kinema më 26 dhjetor 2014.

Historia rrëfen ardhjen në Turqi, në 1919, pas Luftës së Parë Botërore, të fermerit australian Joshua Connor, që s'ka marrë lajme nga tre djemtë e dërguar në Betejën e Çanakkale-së, për t'u gjetur atyre gjurmët. Në kërkimin e Connor-it, që shtrihet nga İstanbul-i në Çanakkale, mbështetësit më të mëdhenj i bëhen oficerët turq Hasan dhe Cemal. Krahas Crowe-t në rolin kryesor janë Olga Kurylenko, Jai Courtney, Yılmaz Erdoğan dhe Cem Yılmaz. Filmi fitoi çmimin e Filmit më të Mirë në Çmimet e 4-ta AACTA, ndërsa Yılmaz Erdoğan u vlerësua me çmimin e Aktorit më të Mirë Dytësor.