Acemi Cadı

Acemi Cadı, D Productions tərəfindən hazırlanan, fantastik və komediya ünsürlərini bir araya gətirən Türk istehsalı televiziya serialıdır. İlk dəfə 7 İyul 2006-cı ildə Kanal D ekranlarında tamaşaçı ilə görüşən iş ikinci mövsümü ilə birlikdə Star TV-yə keçmişdir. Serial, Archie Comics obrazından uyğunlaşdırılan Amerikan istehsalı Sabrina, the Teenage Witchin Türk televiziyasına uyğunlaşdırılmış halıdır.

Hekayə, on altıncı doğum günündə bir cadı ailəsinə mənsub olduğunu öyrənən Ayşegül adlı gənc qızın ətrafında formalaşır. Kənardan adi bir şagird kimi görünməyə davam edən Ayşegül, xalalarının dəstəyi ilə sahib olduğu güclərə nəzarət etməyi öyrənməyə çalışır. Bu zaman məktəb həyatına uyğunlaşmaq, xoşladığı Selimi rəqibi Tuğçeyə qaptırmamaq və acəmi sehrlərinin yol açdığı uğursuzluqlarla baş etmək məcburiyyətində qalır.

Əsas rolları Merve Boluğur, Şenay Gürler, Nergis Kumbasar və Çağkan Çulha öz üzərinə götürmüşdür. İki mövsüm boyunca davam edən serial 2007-ci ildə yayımlanan 58-ci seriyası ilə ekrandan vidalaşmışdır.