Səhra Qartalı (Çöl Kartalı) (tərcümə)

Halit Refiğ'in yazıb rejissorluq etdiyi 1972-ci il istehsalı Türk filmi Çöl Kartalı, Osmanlı ordusunda xidmət edən iki yaxın dost kapitanın hekayəsini danışır. Murat və Faruk uşaqlıqlarından Harbiyeyə qədər birlikdə böyümüş iki silahdaşdır; lakin hər ikisi eyni gənc qadına, Kâmil Paşa'nın qızı Leyla'ya aşiqdir və bunu bir-birlərindən gizlədirlər.

Balkan cəbhəsindən qayıtdıqdan sonra, Yəmən yolunda qaçırılan vəliəhd Hüseyni xilas etmək üçün səhraya göndərilirlər. Döyüşdə ağır yaralanan Murat öldüyü güman edilir; səhrada yaşayan Hacer adlı gənc bir qız onu sağaldır. İstanbula qayıdanda Leyla'nın atası kədərlənməsin deyə Farukla evləndiyini öyrənən Murat sarsılır və səhraya geri qayıdır. Yolları Yəməndə yenidən kəsişəndə dostluq, fədakarlıq və qısqanclıqla toxunmuş hadisələr qanlı bir üz-üzə gəlməklə sona çatır.

Baş rolda Cüneyt Arkın çəkilir; heyətdə Bahar Erdeniz, Süleyman Turan, Hayati Hamzaoğlu, Meral Zeren, Atıf Kaptan və Kazım Kartal kimi adlar da var. Filmin çəkilişləri İstanbul, Diyarbakır və Mardində aparılmışdır.