Qonaq (Misafir) (tərcümə)

Misafir, Mehmet Eryılmazın yazıb rejissorluq etdiyi 2015-ci il istehsalı Türk dram filmidir. Rejissorun ikinci tammetrajlı işi olan filmin baş rolunda Zümrüt Erkin çəkilir; heyətdə Tamer Levent, Ayten Uncuoğlu, Hale Akınlı, Ersin Umut Güler və gənc aktrisa Melek Çınar da yer alır. Rejissorun əvvəlki filmində Cemal personajını canlandıran Fatih Al, bu dəfə Nurun sevgilisi kimi yenidən Cemal rolu ilə qayıdır, Sema Moritz isə mahnıları ilə filmdə iştirak edir.

Film, illər öncə ata evindən qovulan Nurun, anasının ölüm ayağında olduğunu öyrənəndə balaca qızı ilə birlikdə geri qayıtmasını təsvir edir. Ana-qız münasibətini ölüm mövzusu ətrafında əks etdirən əsər, ailə daxili cinsi təcavüz məsələsini də yan süjet kimi işləyir. İlk göstərimi 1 sentyabr 2015-ci ildə 39-cu Montreal Dünya Film Festivalında keçirilən film, festivalda FIPRESCI Mükafatı ilə Münsiflər heyətinin Böyük Mükafatını qazanmışdır.