Shtëpia e babait (Baba Ocağı) (përkthyer)

Baba Ocağı është një serial turk televiziv i llojit familjar-komedi, prodhuar nga Sinetel Film, i cili u shfaq për herë të parë në ekranet e Star TV më 27 qershor 2008. Pas një viti transmetimi, ai përfundoi me episodin e 52-të, të transmetuar më 27 qershor 2009.

Historia zhvillohet rreth Halil Efe-s, që merret me bujqësi në një fshat të Muğla-s, dhe djemve të tij, Murat dhe Güven, që studiojnë në universitet në Stamboll. Halil Efe dëshiron që djemtë e tij të bëhen inxhinierë bujqësorë dhe të kthehen në fshat për të marrë përsipër biznesin familjar; por pasioni i vërtetë i dy vëllezërve është muzika dhe, bashkë me shokët e tyre, ndjekin ëndrrën e skenës me grupin që kanë formuar. Kur del në shesh se kanë braktisur shkollën, babai i kthen të rinjtë me forcë në fshat. Përpjekja e vëllezërve, të mësuar tashmë me jetën e qytetit, për t'u përshtatur me rendin e fshatit, dashuritë që përjetojnë dhe mosmarrëveshjet e vjetra mes familjeve i japin serialit një ngjyrim tragjikomik.

Në rolet kryesore luajtën Selim Gülgören, Burak Özçivit, Engin Şenkan, Ali Sürmeli, Algı Eke dhe Özlem Başkaya.