Një nga shtëpitë (Evlerden Biri) (përkthyer)

Evlerden Biri është një seri televizive turke e zhanrit dramë, e përshtatur nga romani me të njëjtin emër i Orhan Kemal-it, botuar në vitin 1966. Prodhimi, i përgatitur nga Koliba Film, filloi të transmetohej më 1 gusht 2012 në Star TV; skenarin e shkruajtën Hakan Aksun dhe Müjdan Kayserli, ndërsa muzikën e kompozoi Fahir Atakoğlu.

Xhirimet e serisë, në rolet kryesore të së cilës luajnë Ceyda Ateş, Özgür Çevik, Barış Aytaç dhe Şemsi İnkaya, u realizuan në Üsküdar-Salacak. Ceyda Ateş, e cila mori rolin e saj të parë kryesor pas Adını Feriha Koydum, ndryshoi ngjyrën e flokëve për këtë personazh. Për shkak të rënies së reitingjeve të larta të periudhës fillestare, seria bëri final të parakohshëm me episodin e 13-të, të transmetuar më 29 tetor 2012.