Lola e Shenjtë (Holy Lola) (përkthyer)

Filmi dramë francez i vitit 2004 Holy Lola, me regji të Bertrand Tavernier, është adaptuar nga romani i parë i Tiffany Tavernier, vajzës së regjisorit. Filmi, produksionin e të cilit e kanë marrë përsipër Little Bear dhe Canal+, gjurmon dëshirën për të birësuar dhe pengesat burokratike të këtij procesi.

Historia rrëfen udhëtimin e birësimit deri në Kamboxhi të çiftit Pierre dhe Géraldine Ceyssac, që për shumë vite nuk mundën të kishin fëmijë. Ekipi e zgjodhi Kamboxhinë si vend xhirimi mes opsioneve si Haiti, Mali dhe Vietnami, sepse birësimi në këtë vend kërkon një proces aq të ngatërruar sa ç'pasqyron filmi. Të gjitha detajet, nga testet e sterilitetit te vizat dhe lejet, sillen në ekran. Rolet kryesore i ndajnë Jacques Gamblin dhe Isabelle Carré, ndërsa në kast janë Frédéric Pierrot, Bruno Putzulu dhe Lara Guirao; regjisori kamboxhian Rithy Panh shfaqet edhe si aktor. Tavernier ka thënë se e ka gjetur filmin shumë prekës dhe emocionues dhe se kjo përvojë e ka bërë të dashurohet me Kamboxhinë.