Mashtrues i Madhërishëm (Muhteşem Serseri) (përkthyer)

Muhteşem Serseri është një film turk aventure-komedi bardh e zi i vitit 1964, rolet kryesore të të cilit i ndajnë Ayhan Işık dhe Fatma Girik. Skenari i filmit, regjisuar nga Ülkü Erakalın, i përket Bülent Oranit, prodhimi Şahan Hakit; shoqëria prodhuese është Melek Film, ndërsa përgatitja e filmit është e Erman Film-it. Gjatë historisë ka edhe çaste emocionale, por mbizotëron një aventurë e lehtë dhe e këndshme.

Naci, me pseudonimin “Muhteşem Serseri”, është një gazetar flirtues që i del për në fund çdo pune me metodat e veta. Shefi i kërkon një intervistë gati të pamundur: Mbretëresha Fevziye, që ka ardhur në Stamboll, dhe e bija, Princesha Zuhal, i ikin për arsye sigurie të gjithë gazetarëve të botës. Ka një gjë që Naci nuk e di: mbretëresha ka vënë në vend të së bijës një vajzë të re e të varfër që e kishte njohur në Bejrut. Kur Naci e ndërron identitetin dhe hyn në konak si shërbëtor, nis ngatërresa e vërtetë. Nacin e luan Ayhan Işık, princeshën e rreme Fatma Girik, Mbretëreshën Fevziye Bedia Muvahhit. Princeshën e vërtetë Zuhal e luan Zuhal Tan, shefin Vahi Öz, Şemsi Bereketzade-n Hulusi Kentmen, Zühtü Bereketzade-n Ahmet Tarık Tekçe, Pire Nurin Süleyman Turan, Akrep Osmanin Erkan Yolaç; në kast është edhe Suzan Avcı, në rolin e vallëtares Suzan Ateş.

Drejtori i fotografisë është Memduh Yükman. Fjalët kyçe të filmit janë solidariteti, gazetari, princesha, e rreme dhe endacaku.