Mysafir i mrekullueshëm (Şahane Misafir) (përkthyer)

Magnifica presenza është një komedi dramatike italiane e vitit 2012, e regjisuar nga Ferzan Özpetek, i cili e shkroi skenarin bashkë me Federica Pontremolin. Ëndrra e vetme e sicilianit Pietro është të bëhet aktor i famshëm; për këtë 28-vjeçari vjen në Romë, nis punë në një pastiçeri, vendoset fillimisht te kushërira Maria e mandej në banesën e vet. Por shpejt vëren çudira në shtëpi: sendet lëvizin vetë, natën dëgjohen pëshpërima të çuditshme. Pietro do të zbulojë se banesën e tij të këndshme e ndan me shtatë e gjysmë banorë fantazmë.

Në filmin e nëntë të Özpetekut, Pietron e luan Elio Germano, ndërsa në trupë janë edhe Margherita Buy dhe Cem Yılmaz. Filmi fitoi çmimin e publikut në Festivalin e 34-t Ndërkombëtar të Filmit në Moskë, kurse Elio Germano mori në 2012 çmimin Globo d'Oro për rolin kryesor. Muzika mban firmën e Pasquale Catalanos, ndërsa edhe Sezen Aksu kompozoi pjesë posaçërisht për filmin.