Yol haqqı gişəsi (Gişe Memuru) (tərcümə)

Gişe Memuru, Tolga Karaçelikin yazıb rejissorluq etdiyi, BKM Film imzalı 2010-cu il istehsalı türk dram filmidir. Çəkilişləri Boğaziçi körpüsündəki əl ilə idarə olunan gişələr avtomat sistemə keçirilməzdən dərhal əvvəl tamamlanan lent, körpü gişələrində çalışan işçilərin yeknəsək həyatından ilham alır. Film 6 may 2011-ci ildə ekranlara çıxmışdır.

Hekayə, Çatalca gişələrində işləyən və atası ilə yaşayan qapalı təbiətli Kenanı izləyir; insanlarla ünsiyyət qurmaq əvəzinə xəyallarına sığınan Kenanın ürək xəstəsi atasına, ailəni illərdir tanıyan danışqan və mehriban Nurgül baxır. Kenanın monoton həyatı yeni müəssisə rəisinin Çatalcanı yoxlamağa gəldiyi gün dəyişir. Baş roldakı Serkan Ercana Nergis Öztürk, Nur Fettahoğlu və Sermet Yeşil yoldaşlıq edir. Film 47-ci Antalya Altın Portakal Film Festivalında Ən Yaxşı İlk Film, Ən Yaxşı Operator və Ən Yaxşı Kişi Aktyor mükafatlarını qazandı.