Tvin Piks (Twin Peaks)

David Lynch və Mark Frost tərəfindən yaradılan Twin Peaks (Türkiyədə İkiz Tepeler), 1990-cı il aprelin 8-də ABC kanalında yayımlanmağa başlayan və iki mövsümün ardınca 1991-ci ildə sona çatan amerikan televiziya serialıdır. Vaşinqton ştatının qondarma Twin Peaks qəsəbəsində keçən hekayə sahildə cansız bədəni tapılan gənc Laura Palmerin qətlini araşdırmaq üçün qəsəbəyə gələn FBI xüsusi agenti Dale Cooperi izləyir. Kyle MacLachlanın canlandırdığı Cooper, istintaq irəlilədikcə qəsəbənin sakit görünüşünün arxasında yalanlar, zorakılıq və fövqəltəbii qüvvələrlə hörülü bir dünya kəşf edir. Serial detektiv anlatını melodram serialı, qorxu elementləri və sürrealist atmosferlə birləşdirməsi ilə televiziya tarixində dönüş nöqtəsi sayılır. Musiqisi Angelo Badalamenti imzalıdır. Düşən reytinqlər səbəbindən 1991-ci ildə ləğv edilən serial 1992-ci ildə Lynchin rejissorluq etdiyi ön film Twin Peaks: Fire Walk with Me ilə kinoya daşındı və 2017-ci ildə Showtime-da yayımlanan on səkkiz seriyalıq üçüncü mövsümü ilə geri döndü. Qızıl Qlobus və Peabody kimi mükafatlar qazanan serial indiyə qədər ən yaxşı televiziya serialları arasında göstərilir.