La Cité de la peur

La Cité de la peur (uzun adı ilə La Cité de la peur, une comédie familiale; qısaca "Qorxu Şəhəri"), 1994-cü il tarixli Fransız polisiye komediyası və parodiya filmi. Fransanın komediya üçlüyü Les Nulsun üzvləri Chantal Lauby, Alain Chabat və Dominique Farrugia filmi həm qələmə almış, həm də baş rolları bölüşmüşdür; rejissor kreslosunda Alain Berbérian oturur. Film Les Nulsun kinofilmi olduğu üçün Le film de Les Nuls adı ilə də anılır və 100 dəqiqə davam edir.

Hekayə 1990-cı illərdə Kann Film Festivalı zamanı keçir. Festivalda nümayiş olunan Red Is Dead adlı pis bir qorxu filminin nümayiş işçiləri filmdəki kimi çəkic və oraqla silahlanmış sirli bir qatil tərəfindən bir-bir öldürülür. Filmin mətbuat məsul işçisi Odile Derayı (Chantal Lauby) bu qətllər qorxutmur; əksinə bunların filmə yarayacağını dərhal dərk edir. Baş rol aktyoru Simon Jérémini (Dominique Farrugia) şəhərə gətirtdirir, Serge Karamazovu (Alain Chabat) mühafizəçi kimi tutur. Təhqiqatı isə komissar Bialès (Gérard Darmon) aparır. Eddy Mitchell, Jean-Pierre Bacri və Daniel Gélin də heyətdə yer alanlar arasındadır.

Film Basic Instinct, Pretty Woman və The Terminator kimi böyük büdcəli Amerika filmlərini birbaşa təqlid edir. Yumoru böyük ölçüdə söz oyunlarına əsaslandığı üçün Fransız dilini bilməyən tamaşaçılara bir qədər anlaşılmaz qalır. İstehsalçı şirkət Pathé Distributiondur.