Yürüyüşçülər (La Marche) (tərcümə)

The Marchers, Fransadakı orijinal adı ilə La Marche, 2013-cü il tarixli fransız-belçika komediya dramıdır. Filmi Nabil Ben Yadir həm yazmış, həm çəkmişdir. 1983-cü ildəki Bərabərlik və Irqçiliyə Qarşı Yürüşün hadisələrindən sərbəst ilhamlanan film 2013-cü ilin noyabrında, yürüşün otuzuncu ildönümünə təsadüf edəcək şəkildə ekrana çıxmışdır. Fransız və ərəb dillərində çəkilən film iki saat davam edir və istehsalçı şirkəti EuropaCorpdur.

Hekayə polis gülləsindən sağ qalan gənc Mohamedin qisas çağırışlarına əhəmiyyət verməyib Martin Luther King və Qandidən ilham alan sülhsevər yol seçməsini və dostları ilə Marselden Parisə uzanan yürüşə çıxmasını izləyir. Heyətdə Hafsia Herzi, Lubna Azabal və Rufus ilə birlikdə Jamel Debbouze, Charlotte Le Bon, Olivier Gourmet, Malik Zidi və Corinne Masiero da var.

Film nə tənqidçilərdən, nə tamaşaçıdan gözlənilən qarşılığı görməmiş, kommersiya və tənqidi uğursuzluq sayılmışdır. 1983-cü il yürüşünün bəzi iştirakçıları filmi hərəkatın ruhuna sadiq tapdığı halda, bəziləri siyasi ölçünün yüngülləşdirildiyini ya da gerçəklərdən çox uzaqlaşıldığını düşünmüşdür. Nümayişin dərhal ətrafında reper Nekfeunun filmin musiqisinin parçası olmayan, lakin filmlə əlaqələndirilən mahnısında Charlie Hebdo jurnalını hədəf alması mübahisə yaratdı; sənətçi bu sözləri 2015-ci ildə jurnalın uğradığı hücumdan sonra peşmançılıqla xatırladı.