Znj. Ayhan (Ayhan Hanım) (përkthyer)

Ayhan Hanım është filmi i dytë me metrazh të gjatë i Levent Semerci-t, i cili arriti sukses në arka me Nefes: Vatan Sağolsun, dhe që në këtë film mori përsipër edhe regjinë, edhe skenarin, edhe drejtimin e fotografisë. Xhirimet e filmit filluan në 2011, ndërsa filmi doli në ekran në 2014.

Jeta e Ayhan Hanımit, një grua e thjeshtë shtëpiake pa lidhje me politikën, e martuar me një nënoficer në pension dhe me katër djem, përmbyset nga grushti i shtetit i 12 shtatorit 1980. Në ditët kaotike para grushtit, tre djemtë e saj përfshihen në ngjarjet politike, ndërsa Ayhan Hanımi, bashkëshorti dhe djali i vogël përpiqen të rrinë larg këtij kaosi; me grushtin e shtetit, familja fillon të shpërbëhet. Në film, të xhiruar në një set dhe studio të ngritur në Eskişehir që imiton Sheshin Taksim, rolin kryesor e interpreton Vahide Perçin.