Kozmos (Kosmos) (përkthyer)

Kosmos është një film dramatik, bashkëprodhim Turqi-Bullgari i shtëpisë Atlantik Film, me skenar dhe regji të Reha Erdemit. Filmi, i xhiruar në Kars, tregon historinë e një udhëtari të çuditshëm me emrin Kosmos, që mbërrin duke qarë në një qytezë kufitare jashtë kohe nën dëborë. Ngaqë ktheu në jetë një fëmijë që po mbytej në lumë, banorët e qytezës e pranojnë si njeri që bën mrekulli; Kosmos është një personazh i pazakontë, që nuk fle kurrë, ushqehet me sheqer dhe rri si zog mbi degët e holla të pemëve.

Mes Kosmosit, që e shpreh haptazi se është në kërkim të dashurisë, dhe Neptünit, motrës së madhe të fëmijës që ai shpëtoi, lind një afri e çuditshme. Ndërsa rreth tij mblidhen ata që kërkojnë shërim, vjedhjet e dyqaneve që shfaqen në qytezë dhe një varg ngjarjesh fatkeqe bëjnë që të gjithë t'i largohen. Në filmin 122-minutësh Sermet Yeşil luan Kosmosin dhe Türkü Turan Neptünin; në trupë janë edhe Serkan Keskin, Saygın Soysal e Nadir Sarıbacak. Filmi u shfaq në Turqi më 16 prill 2010.