Sirena e Misisipit (La Sirène du Mississipi) (përkthyer)

La Sirène du Mississipi (Mississippi Mermaid), drama romantike kriminale franko-italiane e vitit 1969, e shkruar dhe e drejtuar nga François Truffaut, është përshtatur nga romani Waltz into Darkness i vitit 1947, që Cornell Woolrich e shkroi me pseudonimin William Irish. Historia nis kur Louis Mahé, një kultivues i pasur tabaku që jeton në ishullin Réunion në Oqeanin Indian, vendos të martohet me një grua që e ka njohur nëpërmjet letrave dhe nuk e ka parë kurrë. Por Julie, që zbret nga anija, nuk është gruaja e fotografisë; Louis megjithatë martohet me të dhe shpejt del në pah se gruaja është pjesë e një mashtrimi të madh. Obsesioni për të gjetur gruan që u zhduk me paratë e tij e tërheq Louis në një udhëtim të rrezikshëm drejt jugut të Francës. Rolet kryesore i kanë Jean-Paul Belmondo dhe Catherine Deneuve. Filmi u rixhirua në vitin 2001 me emrin Original Sin.