Lumturia (Mutluluk) (përkthyer)

Mutluluk është një film turk dramë i vitit 2007, i përshtatur për ekran nga romani me të njëjtin titull i Zülfü Livanelit, botuar në vitin 2002 dhe i përkthyer në shumë gjuhë. Në skenarin e filmit me firmën e ANS Productions, të regjisuar nga Abdullah Oğuz, përveç Livanelit dhe Oğuzit ka kontribuar edhe Kubilay Tunçer; muzika është gjithashtu e Livanelit.

Filmi rrëfen udhëtimin e dy vetëve: Meryem, për të cilën është vendosur të vritet sipas zakonit me pretekstin se ka njollosur nderin, dhe Cemal, i sapokthyer nga ushtria dhe i ngarkuar ta ekzekutojë atë. Kur rruga e të dyve kryqëzohet me atë të profesor İrfanit, i cili ka ikur nga jeta e tij në İstanbul dhe ka zgjedhur të jetojë në një varkë, historia kthehet në një film rrugësh. Rolet kryesore i ndajnë Özgü Namal, Talat Bulut dhe Murat Han. Filmi u nominua në konkursin kombëtar të Festivalit të Filmit Altın Portakal në Antalya në vitin 2007, hapi festivalet e Mumbait dhe të Romës dhe fitoi çmimet e publikut në Miami e Nürnberg, si dhe Çmimin për të Drejtat e Njeriut Prix Odyssee të Këshillit të Evropës.