Shkollë (Okul) (përkthyer)

Okul është një film turk horror-komedi, i regjisuar së bashku nga Yağmur Taylan dhe Durul Taylan, që doli në kinema në janar 2004. Skenarin e shkroi Doğu Yücel, duke e përshtatur nga romani i tij "Hayalet Kitap"; muzikën e filmit e përgatiti Kevin Moore, ndërsa prodhimin e mori përsipër Sinan Çetin. Skenat e jashtme të xhirimeve u realizuan në liceun Vefa, ndërsa skenat e brendshme në liceun Kabataş.

Rrëfimi nis me vetëvrasjen e Gökalp-it, redaktorit të revistës së shkollës, për hir të dashurisë së pashpërblyer për Güldem-in; në përvjetorin e vdekjes së tij në shkollë nisin të ndodhin ngjarje misterioze. Rinia, dashuria dhe ankthi i provimeve rrëfehen në një atmosferë që bashkon frikën me humorin. Rolet kryesore i ndajnë Burak Altay dhe Nehir Erdoğan, ndërsa në kast janë edhe Sinem Kobal, Melisa Sözen, Berk Hakman, Ahmet Mümtaz Taylan, Deniz Akkaya dhe Halit Ergenç. Filmi, që arriti mbi tre milionë shikues, u bë një nga prodhimet rinore të spikatura të periudhës.