Gungaçi i Notre Dame (Notre-Dame de Paris) (përkthyer)

The Hunchback of Notre Dame (titulli origjinal francez Notre-Dame de Paris) është një bashkëprodhim franko-italian i vitit 1956, i drejtuar nga Jean Delannoy. Filmi, i adaptuar nga romani i famshëm i Victor Hugos i vitit 1831, është versioni i parë kinematografik me ngjyra i kësaj vepre. Drama 115 minutëshe, e përgatitur në formatin CinemaScope, në disa burime përmendet edhe me zhanrin e horrorit. Rolet kryesore i ndajnë amerikani Anthony Quinn dhe italiania Gina Lollobrigida.

Historia hapet në Parisin e shekullit të 15-të, në një karnaval të madh që organizohet çdo vit rreth Notre Dame. Në këtë festë, ku kërcimtarët dhe hokabazët japin shfaqje, alkimisti Claude Frollo e sheh kërcimtaren çingene Esmeralda dhe lidhet me të deri në humbje të vetvetes; për ndihmë i drejtohet Quasimodos, këmbanarit gungaç të katedrales. Por Frollo nuk është i vetmi që dëshiron ta zotërojë Esmeraldën. Quinn luan Quasimodon, Lollobrigida Esmeraldën, kurse Alain Cuny Frollon; Jean Danet është në rolin e kapitenit Phoebus. Në kast janë edhe Robert Hirsch, Jacques Dufilho, Roger Blin dhe Boris Vian. Quasimodo i Quinnit është një gungaç më pak i shëmtuar se në shumicën e interpretimeve; paraqitet me një shtrembërim të vogël të shtyllës kurrizore dhe një deformim të lehtë.

Skenarin e kanë shkruar Jean Aurenche dhe Jacques Prévert. Producentë janë Raymond dhe Robert Hakim, ndërsa muzika i përket Georges Auric. Në versionin anglisht vetëm Quinn dhe Lollobrigida përdorin zërin e tyre, aktorët e tjerë francezë janë dubluar në anglisht; në versionin francez të dy flasin frëngjisht. Filmi është një nga adaptimet e pakta që i qëndrojnë besnik fundit origjinal të Hugos.