Kemal Sunal

Kemal Sunal — Tərcümeyi-hal

Əli Kəmal Sunal (11 noyabr 1944, İstanbul — 3 iyul 2000, İstanbul) türk aktyor, prodüser və ssenaristdir. Türk kinosunun ən uğurlu və unudulmaz aktyorlarından biri sayılır.

Sənət həyatına teatrla başlayan Kəmal Sunalın ilk həvəskar teatr tamaşası Vəfa Litseyində oxuyarkən rol aldığı "Zoraki Təbib" olmuşdur. Kenterler, Ulvi Araz, Ayfer Feray və son olaraq Devekuşu Kabare teatrlarında peşəkar şəkildə rol aldıqdan sonra, məşhur rejissor Ertem Eğilməzin diqqətini çəkərək 1972-ci ildə "Tatlı Dillim" filmində rol alaraq kinoya ilk addımını atmışdır. 1974-cü ildəki "Salako" filmi ilə ilk baş rol təcrübəsini qazanmışdır. Eyni il çəkilən "Hababam Sınıfı" filmindəki "İnək Şaban" personajı ilə böyük populyarlıq qazanmış və bu rol sonrakı illərdə adının "Şaban" kimi yadda qalmasına səbəb olmuşdur. Filmlərində oynadığı yaxşı, sadəlövh və komik adam rollarıyla bəyənilmişdir. Sənətçi, komediya filmləri üstünlük təşkil etsə də, dram janrındakı filmlərdə də yer almışdır.

Cəmi 82 filmdə rol almış sənətçinin son filmi 1999-cu ildə ekranlara çıxan "Propaganda"dır. Bu film eyni zamanda Kəmal Sunalın oğlu Əli Sunalla birlikdə rol aldığı ilk və yeganə filmdir. Kəmal Sunal, 3 iyul 2000-ci ildə "Balalayka" adlı filmin Trabzondakı çəkilişlərinə getmək üçün mindiyi təyyarədə ürək tutması nəticəsində 55 yaşında vəfat etmişdir. Məzarı Zincirlikuyu qəbiristanlığındadır.