Ruhsar

Ruhsar — ANS Productions tərəfindən hazırlanan və 1998-2001-ci illər arasında Kanal D-də yayımlanan fantastik komediya janrında Türk televiziya serialıdır. Ssenarisini Gani Müjdenin öz üzərinə götürdüyü serial beş mövsüm ekranda qalmış və 29 dekabr 2001-ci ildə yayımlanan 108-ci seriyası ilə sona çatmışdır.

Serial, yenicə evləndiyi vaxt amansız bir xəstəlik nəticəsində həyatını itirən Ruhsarla əri Mazharın ölümə meydan oxuyan sevgisindən bəhs edir. O biri dünyaya keçən Ruhsar, yaxşı davranışı sayəsində yalnız yağış yağanda dünyaya qayıda bilir; lakin ruh olduğu üçün onu ancaq Mazhar görə bilir. Bu qeyri-adi vəziyyətin ətrafında Mazharı evləndirməyə çalışan anası və bacısı, dostu Müfit və məhəllənin rəngarəng personajları ilə gülməli hadisələr yaşanır. Serialdan ilhamlanaraq yenə Gani Müjde imzalı 2007-ci il istehsalı Hayal ve Gerçek adlı bir serial da çəkilmişdir.