Qara Mələk (Kara Melek) (tərcümə)

Kara Melek, 1997-2000-ci illər arasında Star TV-də yayımlanan, prodüserliyini Eylül TV-nin öz üzərinə götürdüyü dram və macəra janrında türk televiziya serialıdır. İlk mövsümdə Uğur Erkırın, sonrakı mövsümlərdə Türkan Deryanın rejissorluq etdiyi serial, dörd mövsüm boyunca ümumilikdə 110 seriya ilə ekranda qalmış və yayımlandığı dövrdə yüksək reytinq toplamışdır. Sanem Çelik, serialın üçüncü mövsüm finalından sonra heyətdən ayrılmışdır.

Hekayə, ev yoldaşı Şulenin atasının varlı iş adamı və deputat Nahit Saylan olduğunu öyrənən ağıllı və gözəl Yaseminin, Nahiti ələ keçirmək üçün qurduğu intriqaları danışır. Sanem Çelikin canlandırdığı Yasemin, mənfi personajın baş rolda yer alması və xülasələrin onun dilindən danışılması ilə türk seriallarında bir ilk sayılmışdır. Bu rol Çelikə 1997-ci ildə Altın Objektif Ən Yaxşı Qadın Aktyor mükafatını qazandırmış, Yasemin Saylan isə Sabah qəzetinin ən pis serial personajları siyahısında dördüncü yerdə qərarlaşmışdır.