Qara və ağ (Siyah Beyaz) (tərcümə)

Siyah Beyaz, Ahmet Boyacıoğlunun yazıb rejissorluq etdiyi 2010-cu il istehsalı Türk dram filmidir və rejissorun ilk tammetrajlı işidir. Adını iyirmi ildən artıqdır ki, Ankaranın sənət və intellektual görüş nöqtəsi olan Siyah Beyaz barından götürən film hər axşam bu məkanda bir araya gələn daimi müştərilərin iç-içə keçən hekayələrini danışır.

Personajlar arasında yetmiş yaşına çatmasına baxmayaraq hələ də sakitləşməmiş bir rəssam (Tuncel Kurtiz), infarktdan sonra dinc həyat axtaran bir vəkil (Erkan Can), həyat yoldaşı tərəfindən tərk edilmiş bir həkim (Nejat İşler), tənhalığı həyat tərzinə çevirmiş bir iş qadını (Şevval Sam) və barın acıqlı, amma mehriban sahibi Faruk (Taner Birsel) var. Boyacıoğluna görə film tənhalıq, qocalma, dostluq, həmrəylik və Ankaraya duyulan xüsusi bağlılıq haqqındadır. Akman Film istehsalı olan film 23 aprel 2010-cu ildə ekranlara çıxmış, 47-ci Antalya Altın Portakal və 59-cu Mannheim-Heidelberg kinofestivallarında iştirak etmişdir.