Dhimbje zemre (Gönül Yarası) (përkthyer)

Gönül Yarası është një dramë e vitit 2004, e shkruar dhe e regjisuar nga Yavuz Turgul, filmi i tij i parë tetë vjet pas Eşkıya. Filmi, që doli në ekran më 7 janar 2005, u shikua në kinema nga rreth 898 mijë veta.

Nazımi, mësues idealist, del në pension nga detyra e tij në Anadoll dhe kthehet në Stamboll; deri sa t'i lidhet pensioni, punon si shofer me taksinë e mikut të tij Takoz. Dünja, e cila këndon në pavijon dhe ka telashe me ish-burrin e saj Halil, hipën një ditë në taksinë e tij, gjë që ndryshon jetën e të dyve. Filmi, në rolet kryesore të të cilit shfaqen Şener Şen, Meltem Cumbul dhe Timuçin Esen, fitoi çmime në Antalja, Palm Springs dhe Nju Jork, dhe u bë kandidati i Turqisë për filmin më të mirë të huaj në edicionin e 78-të të Çmimeve Oscar, por nuk arriti të merrte nominimin.