Rexhep Ivedik (Recep İvedik) (përkthyer)

Recep İvedik është një film komedi turk i vitit 2008, me komedianin Şahan Gökbakar në rolin kryesor. Personazhi me të njëjtin emër, që Gökbakar e krijoi në programin Dikkat Şahan Çıkabilir, pasi pati sukses në televizion u çua në ekranin e madh. Filmi, trajleri i të cilit u shikua rreth 5,75 milionë herë në YouTube deri në mars 2008, doli në ekrane me 230 kopje; në tre ditët e para e panë 791.536 vetë dhe kjo e vendosi në vendin e dytë në listën e hapjeve tre-ditore më të ndjekura. Filmi arriti 3 milionë e 150 mijë spektatorë në 17 ditë dhe u bë filmi turk më i ndjekur i vitit 2008.

Recep, i pasjellshmi, kur mëson se kuleta që i shpëtoi një të pastrehu në rrugë i përket një biznesmeni nga Antalya, hidhet në makinë dhe nga Stambolli niset drejt jugut. Rrugës përjeton ngjarje qesharake dhe ia dorëzon kuletën turistikut Muhsin Bey. Recep nuk e pranon shpërblimin dhe, kur është gati të largohet, sheh se dashuria e fëmijërisë, Sibel (Fatma Toptaş), po zbret nga një autobus turistik. Sibel nuk e kujton; Recep vendos të qëndrojë në vendpushim për ta bindur.

Në karrigen e regjisorit ishte Togan Gökbakar, në krye të skenarit Şahan Gökbakar me Serkan Altuniğne; prodhimin e ndërmorën Özen Film dhe Aksoy Film. Xhirimet janë bërë në Stamboll dhe në Antalya. Humori i vrazhdë i filmit u kritikua ashpër nga një pjesë e njerëzve të kinemasë, por interesi i publikut i la në hije këto debate dhe prodhimi u bë hallka e parë e një serie që vazhdoi me Recep İvedik 2 në 2009 dhe me Recep İvedik 3 në 2010.