Afife Jale

Afife Jale është një film biografik historik i xhiruar nga Şahin Kaygun në vitin 1987. Subjektin e merr nga jeta e Afife Jales, gruas së parë turke myslimane që doli në skenë. Për fotografin Kaygun ky ishte tentativa e parë në regji. Pavarësisht disa të metave teknike që sjell një vepër e parë, filmi tërheq vëmendjen me përdorimin e aksesorëve historikë dhe me pasurinë vizuale. Prodhimi, që mban tiparet e një filmi epoke, ka në rolin kryesor Müjde Arin.

Historia zhvillohet në vitet e fundit të Perandorisë Osmane dhe përqendrohet te drama e Afife Jales. Jale e ka humbur jetën në një spital psikiatrik, e zhytur në varësinë nga morfina. Afife Jalen e luan Müjde Ar, ndërsa fëmijërinë e saj e luan Özlem Büyükburç. Në pjesën e aktorëve Tarık Tarcan luan Ziyan, Alev Sezer Selahattin Pınarin, Şahika Tekand Seniha Tepsin, Gülsen Tuncer nënën e Afifes, Serra Yılmaz Shaziyen, Berrin Koper Behiyen, Güzin Çorağan Madam Sofin. Kenan Bal është në rolin e valiut Fuat Bey, Münir Özkul merr pjesë si aktor i ftuar; në kast është edhe Levend Yılmaz.

Skenarin e kanë shkruar Selim İleri dhe Nezihe Araz. Producent është Olgun Eltan, kompania prodhuese është Olgun Film. Muzikën e ka bërë Attila Özdemiroğlu, ndërsa drejtimin e fotografisë e kanë marrë përsipër Mahmut Yumuşak dhe Erdoğan Engin. Filmi u xhirua me ngjyra dhe në 35 mm.