Imami (The İmam) (përkthyer)

The İmam është një film dramë turk i vitit 2005, i regjisuar nga İsmail Güneş, me skenar të shkruar nga Ömer Lütfi Mete. Në rolin kryesor shfaqet Eşref Ziya Terzi.

Protagonisti i filmit, Emre, është një i ri që, megjithëse ka mbaruar Liceun İmam Hatip, e fsheh këtë të kaluar nga rrethi i tij, ka studiuar inxhinieri kompjuterike dhe ka përqafuar një mënyrë jetese perëndimore. Madje ka ndryshuar edhe emrin, dhe me flokët e gjata dhe motorin e tij paraqet një pamje larg përshtypjes së një personi fetar. Megjithatë, edukimi fetar që ka marrë në moshë të vogël është bërë pjesë e karakterit të tij, dhe kjo gjendje e shpie drejt kontradiktash, shqetësimesh dhe krizash që as vetes nuk mund t'ia rrëfejë.

Prodhimi sjell në ekran ngërçin dhe ballafaqimin e brendshëm mes dy botëve të një individi që, nga njëra anë, përpiqet të fshehë identitetin e tij dhe të ndërtojë një jetë moderne, e nga ana tjetër, nuk mund të shkëputet nga vlerat me të cilat është rritur.