Ümid Üzümləri (Umut Üzümleri) (tərcümə)

Umut Üzümleri (Grapes of Hope), Tunç Okanın yazıb çəkdiyi və prodüserliyini üstlendiyi dram-komediya. Türkiyə, İsveçrə, Almaniya və Fransanın birgə istehsalı olan film Fakir Baykurtun əsərindən uyğunlaşdırılmışdır və 126 dəqiqə davam edir. Layihəni Rönesans Film həyata keçirmiş, 2012-ci il Altın Portakal Film Festivalında göstərilmiş, 17 may 2013-cü ildə Medyavizyon distribusiyası ilə ekranlara çıxmışdır. Komediyanı dramla iç-içə işlədiyi üçün onun haqqında "çox ciddi komediya" şərhləri verilmişdir.

Hekayə Mərkəzi Anadoludakı kiçik Tozak kəndində keçir. Kəndlilər quraq torpaqlarını canlandırmaq məqsədilə bir suvarma layihəsinə girişmiş, bunun üçün torpaqlarını ipoteka qoydurub varlı bir tacirə borclanmışdır. Borc ödənilməyincə tacir bu torpaqlarda yeni yaşayış sahəsi qurmaq istəyir. Elə bu zaman kəndə təzəcə təyin olunmuş müəllim gəlir; kənd muxtarı ilə birlikdə kəndlilərə rəhbərlik edir və torpaqlarını qurtarmaq üçün böyük mübarizə başlayır. Müəllim Ozan rolunu Yetkin Dikinciler canlandırır; heyətdə Ahmet Mekin, Barış Koçak, Altan Erkekli, Norina Nobashari, Aziz Emre Yavuz və Ümit Şilit də yer alır. Kəndlilərin xilas yolu bağ salmaq ideyasıdır.

Operator Vedat Özdemirdir. Filmin musiqisində Mehmet Andiçen və Barış Aryayın imzası var; "Umudun Şarkısı" adlı parçanı məşhur bir Krım Tatar mahnısının toplusundan yola çıxaraq Nilüfer səsləndirmişdir.