Soyuq İdi və Yağış Çiskinləyirdi (Soğuktu ve Yağmur Çiseliyordu) (tərcümə)

Soğuktu ve Yağmur Çiseliyordu, 1990-cı il istehsalı Türk dramıdır; rejissor Engin Ayçanın ikinci tammetrajlı filmidir. Film, bir Türk sənət musiqisi solistinin, saz heyətindəki udçu dostu ilə yaşadığı yaxınlığı mövzu alır. Rəngli və 35 mm çəkilən film təxminən yüz dəqiqə davam edir; prodüserliyi Erhan Erzurumlu, istehsalçı şirkət işini Erka Film öz üzərinə götürmüşdür.

Məşhur və hamının həsədlə baxdığı solist Leylanı (Leyla Akın) Türkân Şoray, udçu Cemal Beyi Ekrem Bora canlandırır; Cemal Beyin bacısı rolunda Gülsen Tuncer var. Heyətdə ayrıca Bülent Ufuk ilə Alev Koral da var. Film Cemal Beyin ölümü ilə başlayır və cütlüyün münasibətini xətti danışmaq əvəzinə geriyə dönüşlərlə, Leylanın zehnindəki xatirələrlə qurur. Təsvir edilməz bir boşluq duyan Leyla, yaşadıqlarını anlamlandırmaq üçün Cemal Beyin evinə gedir, ailəsi və dostları ilə danışır.

Ssenarini Ayça ilə Ali Çıdamlı yazmış, görüntüləri Ertunç Şenkay idarə etmişdir. Filmin musiqisi Melih Kibarındır; Semra İnancın səsləndirdiyi "Gönül Kuşum" və "Mektuplar" bu film üçün xüsusi bəstələnmiş, sözlərini Gülsen Tuncer yazmışdır. 28-ci Antalya Altın Portakal Film Festivalında (1991) Ekrem Bora ən yaxşı kişi aktyor, Gülsen Tuncer ən yaxşı ikinci plan qadın aktyor seçilmiş, film də Ən Yaxşı 3-cü Film mükafatını almışdır. Semra İnanc isə 1992-ci ildə Korsikadakı 8-ci Beynəlxalq Aralıq Dənizi Festivalında ən yaxşı səs birinciliyini qazanmışdır.