Avropada Bir Gün (One Day in Europe) (tərcümə)

One Day in Europe (türk yayımlarında Avrupa'da Bir Gün), Hannes Stöhrün yazıb idarə etdiyi 2005-ci il istehsalı alman-ispan birgə layihəsidir. Bir-birindən asılı olmayan hekayələrdən ibarət komediyadır; təxminən 95 dəqiqə davam edir. Hekayələr Moskvada oynanan, Galatasaray ilə Deportivo La Coruñanı qarşı-qarşıya gətirən Avropa kuboku finalının keçirildiyi gün Avropanın dörd bir yanında cərəyan edir. Matç müxtəlif mədəniyyətlərdən olan insanları bir araya gətirən ortaq fondur.

Film müxtəlif mədəni və ictimai mühitlərdən gələn insanların bircə gün ərzində yaşadıqlarına yönəlir. Ünsiyyətsizliyi, mədəni fərqlərin insanlar arasında açdığı uçurumları və bəzən tam əksinə, bu fərqlərə baxmayaraq qurulan yaxın dostluqları təsvir edir. Filmdə yeddi dildə danışılır: ingilis, alman, ispan, fransız, macar, rus və türk dillərində. Heyətdə Erdal Yıldız (Celal), Oleg Assadulin, Megan Gay (Kate) və Luidmila Tsvetkova (Elena) ilə yanaşı Ahmet Mümtaz Taylan, Yiğit Özşener, Rachida Brakni və Florian Lukas yer alır.

Berlin Almanya'dadır filminin də rejissoru olan Stöhr bu filmlə tənqidçilərin diqqətini çəkdi. Film dünya premyerasını 55-ci Berlin Film Festivalında etdi və Qızıl Ayıya namizəd göstərildi; həmin il İstanbul Film Festivalının Gələcəyin Ustaları bölməsində də nümayiş olundu. Almaniyada 7 aprel 2005-də Piffl Medien paylamasıyla, İspaniyada 2 iyun 2006-da Notro Films paylamasıyla ekranlara çıxdı.