Mahmud dhe Merjem (Mahmut ile Meryem) (përkthyer)

Mahmut ile Meryem është një film dramatik historik i vitit 2013, bashkëprodhim turko-azerbajxhanas, me Mehmet Ada Öztekin në karrigen e regjisorit. Prodhimin e ka marrë përsipër 24 Kare Prodüksiyon, skenarin e kanë shkruar Yerkan Kahraman dhe Eşref Dinçer; historia bazohet në romanin me të njëjtin titull të shkrimtarit azerbajxhanas Elçin Efendiyev. Projekti është përpjekja e parë e përbashkët për film mes kineastëve të të dy vendeve.

Subjekti trajton një dashuri të shekullit të gjashtëmbëdhjetë, të penguar nga dallimet fetare: Mahmut, muslimani, biri i hanit të Gjanxhës, dhe Meryem, e krishtera, vajza e një prifti, janë të dashuruar marrëzisht me njëri-tjetrin. Kur prifti, duke dashur ta largojë të bijën, e merr dhe ikën, Mahmut e ndjek të dashurën; udhëtimi përparon në një kornizë historike që shtrihet deri në tokat ku u zhvillua periudha e Betejës së Çaldiranit dhe përfundon në një pikë legjendare me bashkimin e të dy të dashuruarve.

Në distribucion janë artistë turq e azerbajxhanas si Eva Dedova, Aras Bulut İynemli, Cemal Hünal, Fahreddin Manafov, Melahat Abbasova dhe İlker Kızmaz. Filmi u takua me publikun në Turqi në mars 2013 dhe në Azerbajxhan në vjeshtën e të njëjtit vit; u shfaq edhe në një javë të filmit turk të organizuar në Zagreb në vitin 2015.